ياعين ياللي هوا الشرقي ملعمسها
هبت رياح الشقى والوضع منحاسي
هجيت للغرب والنسمات الآمسها
يمكن هواها يبرد حرة ...انفاسي
واليا المشاكل تفارسني وافارسها
لآجيت أبا ادوسها ماهي بتنداسي
وإن ثارت القنبله وإبليس قابسها
والله مالي سبب ترجع على رآسي
أجني ثمر حنضله ماني بغارسها
حتى متى يازمن وانته علي قاسي
يابو محمد على لحنك... مروسها
واجر صوت الحزن متذكر وناسي
وجهودنا في الشعر لأجلك نكرسها
نجلب لك اللول والمرجان والماسي
لاهنت جر البيوت اللي.. مهوجسها
صوتك ينومس بلا مزمار واجراسي
؛؛؛رائد بن نملان الحبابي ؛؛؛؛
سنين ما بحت باسراري مقرطسها
اليين بيت بقصيدك حرك احساسي
والعافيه لو درت نفسي بتفلسها
الموت ماهو بعيد بيقبض انفاسي
وان كانت النار بضلوعي بتحمسها
القلب ينبض وعادة حي من باسي
عيني بعد حسنها ماشي بتارسها
والشوق فاقد ولا حصل له مواسي
وان كان بيبان وصله لي متربسها
بسج وابعد عن دياري وعن ناسي
لو اجدب الغيث لأوراقي ويبسها
ابيات شعري غريقه وسط كراسي
من دمعتن مايطيق الرمش حابسها
ربحي خسرته وانا ما بعلن افلاسي
وان غاب عطري على ريحة ملابسها
تبقى زهور الربيع تفوح من ياسي
؛؛؛؛خالد بن جهير العسيري ؛؛؛؛
قريحتي للمجارا هاض هاجسها:
فرايدً جابها حريف وسياسي :
بعيد الأفكار صورها وهندسها :
وأخذ بها في الزمن هده ومرواسي :
ماهو بيسند بها مره وينكسها :
لا والله الا نتيجت فكر متواسي :
الجابري حسب جنسيته جنسها :
وسوا لها من لباس أفكاره الباسي :
لو حطها مادةٍ ف الشعر ندرسها :
كم شاعرً يكتبونه عايد ادراسي :
وهيض هواجيس صدرً كنت حابسها :
استاقها بـ الفرايد طيب الساسي :
وأثر بكبدً عنا الأيام حامسها :
حمسة غشيمً لبن بوسط محماسي :
من جور دنيا تروس ولاحد رايسها :
كم عيشت روس قومً هم واتعاسي :
لأكن لاعزا مواقفه تنومسها :
لاعودٍ العلوم اخماس واسداسي :
والصد عن أكثر الناس ودسايسها :
يعطيك ياكاسب النوماس نوماسي :
وناسً مايبغون عزك لاتجالسها :
ابعد وخل الخساسه مقسم الخاسي:
لايشغل الفكر يا رايد مكارسها :
سقها بتدبير خالق كل الجناسي :
وجهت نضر وانت فارسها مسيسها :
وعساه يرضيك مني ناتج إحساسي :
وعداد ماتحفظ الكتب وفهارسها :
سلام ماهل مزن وهب نسناسي :
عبيد ابن هادي ابن شلعان الحبابي
ليست هناك تعليقات:
إرسال تعليق