.......مرثيه في والدي رحمه الله .........
اه من حر المفارق ومن ليل الشقى
واه من حزنً كوى القلب في يوم الوادع
الوادع اللي ما بعده على الدنيا لقى
الله يصبر قلوب ً على شوفه اجيـــــــاع
مات ابوي اللي من اوجيه ربعه ما اتقى
الحكيم اللي يحل القضايا والنزاع
بعد ما قضى حياته على عز ونقى
مات واسمه حي ما مات واذكاره تشاع
لو تموت اسماء الرجاجيل لا ماتو بقى
اسم ابوي الله يبيحه ويحسن له ماضاع
مؤمن وفي طاعة الله وفي خير وتُقى
وعارف وكريم يمنى وزيزوم وشجاع
للمراجل في سماء الطيب والطاله رقى
ما يحول للطوامن يدور لـــ ارتفاع
وسعد عين اللي لجابه وفي راسه هقى
لـ أنّهشته انياب وقته مثل نّهش السباع
وفي المنّاسب ما تهاون لا والله إلا انتقى
منسب مّخول عياله بحنكه واقتناع
شايب ً من قرب حوله و من ضافه لقى
الجناب الدمث والرفقه وزين الطباع
كم بكى من بعد فقده معارف واصدقى
غير دمع عيون ربعه عصر يوم الوداع
ياسنين العمر وش راح منك ووش بقى
مات ابوي الله يبيحه وحكم الله مُطاع
محمد بن عبدالله الفهري
ليست هناك تعليقات:
إرسال تعليق