تمشي الاقدام بالطيش في كل اتجاه
فوق كف اقدار الايام مسراها عتيم
التهينا فالملذات يالله النجاه
سقت روحي في غواها مع هب النسيم
غرني قولة ترى العمر ملحوق مداه
لاجزاءالله غفلة القلب وبليس الرجيم
جل وجهك ياالاهي ولاغيرك أله
ياعضيم الملك والامر ماغيرك عضيم
ياقوي لاقوي معه بالجاه جاه
يامدبر غيب الاحوال يارب العليم
انت من تسجد له الخلق طمعين برضاه
وانت لاغيرك رحيم ولاغيرك حليم
ربي اني عبدك الي مكثر في خطاه
التجيبك وانت ربي على خلقك رحيم
وربي اني عبدك الي مع الايام تاه
اهدني درب الهداء والسراط المستقيم
وربي اعصمني من الذنب ورزقني الصلاه
واهدني لرضاك مادمت فالدنيا مقيم
وغفر ذنوبي جديد العمر والي مضاه
ماكشفت ذنوبي الا لوجهك ياكريم
احييني مادام لي فالعمر خير وغناه
واحسن ختامي بجنتك بأحسان ونعيم
استغفرك عد ما هل من لمزان ماه
وعد قطرات السحايب على الجدباء المحيم
وحمدك حمد يليق بجلالك في علاه
وشكرك شكر يليق بجلاك ياعضيم
واشهد انك ربي الي مالي رب سواه
واشهدان عبدك محمد على النهج القويم
(عايض بن عبدالرحمن بن رفعه)
ليست هناك تعليقات:
إرسال تعليق