الثلاثاء، 12 يناير 2016

بن سمحة وابو لهيمد

حامد بن سمحه

: انت    يالاحق    تسميت    بالاسم   الكبير
وانت   مدري    قدها   والا ماانت   بقدها

كان طعت الشور خلك على الاسم  الصغير
خلك بحدك   وخل    العرب    في    حدها

لاحق قفران ابولهيمد

: المراجل   ماحتكرها   أمير  ولا وزير
ونت  وش  كلفك  بالناس  تبحث سدها

انت  لاتتعب ضميرك  يامعدوم  الظمير
والعرب  ماهمنا   مزحها   من جدها

حامد بن سمحه

: ياعشير الغانمين انت قلي وش تصير
قالوا انك   تعطي   المده   وترتدها

مثل ماقال بن جدلان في البيت الشهير
كل كلمة تستحي من هدفها  بدها

لاحق ابولهيمد

: انت  ياحامد  كلامك  معي  جدا  خطير
وال  زبنه  ياعرب  ودها  ما ودها

مثل  ما قال ابن وسام فالبيت الشطير
المراجل  عند  أهلها  يذعذع  ندها

حامد بن سمحه

: انت لو ثوبك من السندس وبشتك حرير
مشكلتك الناس  وشلون  تكسب   ودها

من فقد قدره مع الناس يدعى بالفقير
لوفلوسه  تعجز   اهل   البنوك   تعدها

لاحق ابولهيمد

: انت  لو طولت دقنك  مع ثوبا  قصير
لو  تبسم للعرب  كنك  تلعن  جدها

والزمان ايدور  والكون هذا  مستدير
ناس  ترفع  روسها  ناس  تصعر خدها

حامد بن سمحه:

تطرخ اعلام الفخر من سكاكا لاعسير
وصفحة  التاريخ    حنا نزين    خدها

جعل ذودك مكسب القوم في حزة عصير
وانت ساقك منكسر ماقدرت تمدها

لاحق ابولهيمد

: يابن سمحه  ليش عودت  في  الوقت  الاخير
كل  ماجتك  اللوازم   عجز ت ماسدها

لومعك   جنحان  يمكن تطير وماتطير
كل  يوما  ونت  عينك  علي   اتلدها

حامد بن سمحه

: بارك  الله فيك   ماحن   نشد   من   النذير
ندهم  احلال   الاعادي  ونكسر شدها

وان بغينا ندهن السير  ندهنه  ويسير
بالعلوم  اللي  تهين   العدا   وتضدها

لاحق ابولهيمد

: بعد  هذي  لازما  انا  نحدد لك  مصير
بالسيوف  اللي  يراها  يشوقه  حدها

مالتفتنا  يمكم  يا مقدمت  المضير
والعداوه  روح  جيب العلوم وودها

حامد بن سمحه:

انت لا انت بخالد ولاانت موسى بن نصير
انت لاحق واعرفك هد نفسك هدها

يااجرب الجنبين حتى ولو انك بعير
الجمال  الجرب  دايم تعشا بدها

لاحق ابولهيمد

: وانت  منت  الهاجري  وابن أبي سلمى زهير
انت  هجمات  العرب  مستحيل  اتصد ها

أنت في رأسك بلا  والله  بسدك  خبير
وصاحبك  يارد  عدودا  قراحا  عدها

حامد بن سمحه:

قلت مافاق الفرزدق ومايتعب جرير
وان بدعت ابدع بيوت يجمل عدها

واتذكر كل ما شفت معطفك القصير
خدج تسمع بعش الضيوف وغدها

لاحق ابولهيمد

انت  دكتاتوري  ومنهجك  منهج  بشير
والقلوب  البيض  ماهي  مثل مسودها

انت  لك   عينن   كريمه ولاقلنا   عوير
كل  ماشفت  الحقيقه  توقف  ضدها

ليست هناك تعليقات:

إرسال تعليق