الـصـمـت حـكـمـه _ مهدي بن مسفر الحبابي
يا راسـي من احـداث الزمـن والظـروف مجار
عـسا الله يـجيـرك مـن غـثـاء وقـتـك المـشوم
انـا اشـوف وجـه الـحـق غـطـاء علي استار
وقررت ابـيع اشـبـاه الاصـحاب بأول سـوم
ويـا حـمـاية المستهـلـك اش قـصـة التـجار
مستهلـك هـلـك وانتم عـليكم يا كـثر اللـوم
يغـيب الظمير ان صـار وجـه الجشع جبار
وتهون الصعاب بعين من رضي بالـمقسوم
ويا حلم العظيم اللي تواصوا عليك اشرار
عـليك السلام ورحمة الله يـا كيف اتـقـوم
عــز الله مـقـامـك وانت ببـدايـة الـمـشوار
لا تشره عـلى صاحبـك لن العـلوم عـلوم
ترى صاحبك يا حـلم جـا بين غـار ونـار
وطير السعادة في فضى الكون ماله حوم
وترى اللول وسط البحر يدري بها البحار
وموج البحـر يحـتاج له من يجـيد العوم
وش تقول عندي عـلم ما نشر في لاخـبار
ترى مـؤجـزه سبب بصدري عـنا وهموم
حـكيـنا قـهـر واذا سكـتـنـا قـهـر يا جـار
وراع الصراحه صار في ذا الزمن مكـلوم
الأرصـاد تـرصد والبسيـطة مطـر وغــبار
والاجـواء تهـول العـقـل ومـلبـده بغيـوم
انا كنت احسب ان صاحب العقل ما يحتار
وذلحـين اقـول اللـي سـكت ما لحـقـه اللوم
ترى الصمت حكـمه والبشر تـكره الثـرثـار
وكـلام الـصراحـه يـزعـج من الاوادم كـوم
وعليك احتـرام الرأي الاخـر ومهما صار
وإذا طلـب رايـك قـدمـه والهدف مرسوم
ولامـن بـدالـك شان فـاخـتر مـن الاشوار
وفـرق مـا بيـن الحـق والمـنهـج المـزعــوم
وتخير صديق ٍ تـفـتـخربـه من الاخـيار
صديق ٍ يسرك من اربوعـك او من القوم
صداقة وفاء ومزارق الطيب رمز اشعار
مع الكـفـو والاحـلام تـحـقيـقها بعـزوم
هـذا والـحـياة احـداثهـا تـربـك الافـكار
مصايب وقتل وظلم يا اللي خـذاك النوم
يـدور الزمـان اللي اظـروفه كما المنشار
وتـرى العام ينهـيه الشهر من بداية يوم
مهدي بن مسفر الحبابي
ليست هناك تعليقات:
إرسال تعليق