لوكان حفر قبوور /ذيب العبيدي

تعبنا مديح وجفف المدح روس اقلام
تعبنا من التبجيل لافلان كذب وزور
تعبنا من التظليل ياحضره الاعــلام
تعبنا من التطبيل ونعيد نفس الدور
تعبنا من التمجيد ياصانعي الافلام
وذا شيـخ مـ المريخ لكـن بعد مغمور
وذا لبس تاج الجـود ومحقق الاحـلام
وذاك امتطى صهوة جواد معه باكور
قلبتوا الحقـايق كلها يامة الاسلااام
ونص العرب صمخاونص يسار وعور
لبسنا البشوت السود ياغترة البـسام
على شان راس المال من صيتنا مذخور
خذينا القشور وعــزنا كان بالسـناااام
ومابين وقت وقت حـبل الوصـل مبتور
نسينا جروح تنزف الدم طول العااام
نسيــنا بيــوت هـدمت والـدمي تـفور
غفلنا عن اسيوف تمزق ستر الاجسام
وذا شــلـت اطــرافــه وذا للقـبر بالــدور
خذانا الطـرب ومسابقـة ذود ابو عرااام
عن دموع طفلً تحت الانقاض غبن وجور
نسينا على صوت المزامير صوت الشام
والاصـوات مكسـوره والامداد فيه كسور
وثكلى حلب من جسمهن نتقن !الارحام 
على مسمع العالم وحمرالرصاص يثور
يبون الفرج ياهل المرج والجروح جسام
ولو تاقفون شوي ! لوكان حفر قبوور !!
ذيب العبيدي