.
لاني بقاضي ولا وكّلت لي قاضي
ولاني وكيلٍ على العالم واقاضيها
٠
والنوّة اللي سرت ، لو برقها ناضي
مادام مالي مسايل مابراعيها
٠
ياباغي العز ، لا تركن على الماضي
ان كان ماحشت حاظرها وماضيها
٠
والخوة اللي مبانيها على الفاضي
ترّك غثاها ولا تامن عراويها
٠
والصاحب اللي تعزوا ، كان ماعاضي
يعيضك الله ليا طالت ملاويها
٠
واللي يشوف الخطا بيّن وهو راضي
دورات الايام لايامن بلاويها
حسن بن حلوه
ليست هناك تعليقات:
إرسال تعليق